Interese do centro no Obradoiro “Xuventude Rumbo a Europa” e no impulso da participación europea do alumnado

 Con grande ilusión e entusiasmo, manifestamos o noso interese en participar no Obradoiro “Xuventude Rumbo a Europa”, unha iniciativa que representa unha oportunidade única para achegar a mocidade ao coñecemento da Unión Europea e fomentar a súa implicación activa na construción do proxecto europeo.

Este tipo de actividades contribúe de maneira significativa ao desenvolvemento dunha cidadanía informada, crítica e comprometida, ao tempo que reforza valores esenciais como a participación democrática, a cooperación e o respecto á diversidade. Para o noso centro, supón ademais un paso máis na nosa aposta pola internacionalización e pola educación en valores europeos.

Agardamos poder formar parte desta experiencia enriquecedora, que sen dúbida terá un impacto moi positivo na formación persoal e académica do noso alumnado, preparándoo para afrontar os retos do futuro cunha visión aberta, plural e europea.

#fundacióngaliciaeuropa @parlamentoeuropeo #escuelasembajadoras

Participación do centro na TCA “Celebrando Europa” para a formación de futuros Embaixadores Erasmus+

 O noso centro participará na TCA “Celebrando Europa: participación democrática e valores europeos”, unha acción formativa dirixida á preparación de futuros Embaixadores Erasmus+. Esta iniciativa constitúe unha excelente oportunidade para reforzar o compromiso co proxecto europeo e afondar no coñecemento dos seus principios fundamentais.

Seguimos a traballar de maneira decidida pola internacionalización do centro, promovendo a cidadanía europea, a participación activa e a transmisión dos valores democráticos que sustentan a convivencia na Unión Europea 💙

 

#erasmusplus #embaixadoreserasmus #valoreseuropeos #sepie

Nomeamento do alumnado como Embaixadores Europeos no programa Escolas Embaixadoras do Parlamento Europeo

O alumnado de 1º de Bacharelato e 4º de ESO recibiu os seus diplomas como Embaixadores Europeos no marco do programa Escolas Embaixadoras do Parlamento Europeo, unha iniciativa que ten como obxectivo achegar a realidade da Unión Europea á mocidade e fomentar a súa implicación activa na vida democrática.

Este recoñecemento supón un importante logro para o noso alumnado, que pasa a desempeñar un papel activo como portavoz dos valores fundamentais da Unión Europea, tales como a solidariedade, a democracia, a diversidade e o respecto. A través desta distinción, ponse en valor non só o seu coñecemento sobre as institucións europeas, senón tamén o seu compromiso coa construción dunha sociedade máis xusta, inclusiva e participativa.

No IES Xesús Taboada Chivite seguimos a apostar por un modelo educativo aberto ao mundo, que promove o pensamento crítico, a participación activa e o desenvolvemento de competencias clave para o exercicio dunha cidadanía responsable. A nosa comunidade educativa traballa de maneira constante para fortalecer o vínculo do alumnado co proxecto común europeo, fomentando actitudes de compromiso, cooperación e respecto polos valores compartidos que sustentan a convivencia na Unión Europea.

Con iniciativas como esta, reafirmamos o noso compromiso coa formación integral do alumnado, preparándoo para afrontar os retos do presente e do futuro desde unha perspectiva europea, plural e solidaria.

 #EmbajadoresEuropeos #EPAS #EducaciónEuropea #JuventudEuropea

Estrasburgo

 Un día inesquecible para o alumnado do Taboada Chivite no Parlamento Europeo en Estrasburgo grazas ao programa Euroescola.

Durante a sesión, puideron debater sobre cuestións clave da democracia europea: dende a igualdade de xénero ou o alcance do estado de dereito. O alumnado púxose na pel dos eurodeputados, defendendo e argumentando sobre temas vitais para o presente e o futuro de Europa.

Incluso Emma Rodríguez Gómez tivo a oportunidade de participar no hemiciclo, facendo desta experiencia algo aínda máis especial.

Pola tarde continuamos descubrindo a cidade: paseamos pola encantadora La Petite France, cruzamos os históricos Ponts Couverts e visitamos a impresionante Catedral de Notre Dame de Estrasburgo.

Unha xornada chea de aprendizaxe, debate e cultura que o alumnado lembrará sempre 🇪🇺
en Estrasburgo.

Visita de Pilar del Oro

 Hoxe visitounos Pilar del Oro no instituto, unha persoa cun cargo moi importante dentro da Unión Europea a que agradecemos moito os seus consellos.

Pilar del Oro advertiunos da importancia de certas cousas no noso futuro e deunos consellos como o de aprender linguas e non desperdiciar as oportunidades que nos ofrezcan.

Falounos do Erasmus e o agraciados que somos estando nun instituto como o noso que participa en moitas actividades e é unha escola embaixadora, cos seus respectivos embaixadores junior.

Agradecémoslle a súa visita de novo.

EPASvsDISINFO

Este é o reel elixido para o concurso EPASvsDISINFO

#EPASvsDisinfo

@parlamentoeuropeo

Proxecto colaborativo en lingua castelá: un país un personaxe.

Situamos as personaxes de Disney en distintos países europeos e resumimos os contos.

#EPAS2024

@parlamentoeuropeo